Welkom by
Kêkkelbekkies Dagsorgsentrum
Hoe het ons begin?
Kêkkelbekkies het in April 1994 sy deure oopgemaak vir een maatjie. Aan die einde van daardie jaar was ons reeds 6 maatjies en 6 jaar later het ons 'n aparte speelkamer aangebou. Met die jare het my kennis en liefde net meer en meer geword en is daar altyd 'n maatjie op ons waglys.
Ons Program en Aktiwiteite
Kêkkelbekkies bied 'n stimulerende omgewing wat sorgvrye spel bevorder. U kind se verbeelding word vrye teuels gegee en sodoende word kreatiewe idees, oplossings en benaderings gevorm en bemagtig u kind homself speel-speel. Die speelfase van enige kind se ontwikkeling is van kardinale belang.
Die weeklikse program word in kalender formaat maandeliks aan ouers verskaf.
Kindermusik
Alice Labuscagne bied op Vrydae oggende tussen 10:15 en 10:45 Kindermusik aan by Kêkkelbekkies. Dit is vir kinders vanaf 18 maande. Haar fooie is kwartaalliks vooruitbetaalbaar.
Monkeynastix
Hierdie internasionale sportaktiwiteit word vir kinders vanaf twee jaar op Woensdae by Kêkkelbekkies aangebied.
Ons Missie
Opvoeding met 'n sterk Godsbegrip
Ons werk met 21 kinders tussen die ouderdom van een tot vier jaar. Emosionele ontwikkeling is ons eerste prioriteit. Ons streef daarna om van u kind 'n gebalanseerde, goed opgevoede klein mensie te maak met 'n baie sterk Godsbegrip. Hiervoor het ek deurgaans ouers se samewerking en begrip nodig. Ons is ten volle verbind tot die verskaffing van Afrikaanse onderrig aan ons kinders binne ons gemeenskap.
Kontak ons
Wil jy graag meer uitvind oor Kêkkelbekkies? Kontak ons gerus en ons kom terug na jou so gou moontlik.
